ელეგანტური სამსაძინებლიანი ბინა ხედით თბილისში

ჩვენს ფართო სამსაძინებლიან ბინაში სამი king-size საწოლია სუფთა თეთრეულით და ორი აივანი ქალაქის პანორამული ხედით. ბინაში ორი სრულად აღჭურვილი სააბაზანოა, სამზარეულო ყველა საჭირო ნივთით, მაღალსიჩქარიანი Wi-Fi და ბრტყელეკრანიანი ტელევიზორი. ბინა ყოველთვის ქათქათა სუფთაა, აქვს დამოუკიდებელი check-in-ის სისტემა, კონდიციონერი ყველა ოთახში და გათბობა, და კომფორტულად იტევს 6 ზრდასრულს. აივნიდან დატკბით თბილისის პანორამით: იდეალური ადგილია მზის ჩასვლის საყურებლად, ერთი ჭიქა საფერავით ხელში.

ბინა ძველი თბილისის ისტორიულ ნაწილში, მშვიდ ადგილას მდებარეობს, საიდანაც ქალაქისა და მთაწმინდის ხედები იშლება. ის ფუნიკულიორისა და ვილნიუსის პარკის გვერდითაა, საქართველოს პარლამენტიდან, რუსთაველის გამზირიდან და სავაჭრო ცენტრ „გალერეა თბილისიდან“ რამდენიმე წუთში, ასე რომ, სიმშვიდესა და ადგილობრივ ღირსშესანიშნაობებთან სიახლოვეს ერთად მიიღებთ.

საზოგადოებრივი ტრანსპორტი თბილისში იაფი და მოსახერხებელია. მეტროთი და ავტობუსით მგზავრობა მხოლოდ 1 ლარი ღირს, ერთი საათის განმავლობაში კი გადაჯდომა უფასოა. გადახდა პირდაპირ ბარათით შეგიძლიათ. მარშრუტებისა და განრიგის სანახავად გირჩევთ, ჩამოტვირთოთ TTC-ის აპლიკაცია. ავტობუსის გაჩერებები ქალაქში თითქმის ყველგანაა.

ტაქსის სერვისები, მაგალითად Bolt, ასევე საიმედო და ფასით ხელმისაწვდომია. თუმცა ჩვენი მთავარი რჩევაა, ქალაქი ფეხით დაათვალიეროთ: ასე თბილისის კულტურულ ხიბლს ახლოდან იგრძნობთ.

დარჩენის განმავლობაში მთელი ბინა მხოლოდ თქვენს განკარგულებაშია. ჯავშნის დადასტურების შემდეგ გამოგიგზავნით დეტალურ ციფრულ გზამკვლევს, სადაც ყველაფერი წერია: კოდიანი გასაღების ყუთით შესვლიდან ბინის აღჭურვილობის გამოყენების რჩევებამდე. გზამკვლევი იმისთვისაა, რომ თქვენი დარჩენა მარტივი და კომფორტული იყოს.

გთხოვთ, გაითვალისწინოთ, რომ თქვენი მოხერხებულობისთვის გთავაზობთ პატარა მინიბარს სასმელების არჩევანით. ეს სასმელები დარჩენის ფასში არ შედის. თითოეულ სასმელს აქვს QR კოდი უსაფრთხო გადახდის ბმულით, ასე რომ, არჩეულის საფასურს მარტივად გადაიხდით. გთხოვთ, ზომიერად დალიოთ და ისიამოვნოთ დასვენებით.

ხელმისაწვდომი ვართ ყოველდღე, 10:00-დან 00:00-მდე, და სწრაფად გპასუხობთ იმ პლატფორმის შეტყობინებებში, სადაც ჯავშანი გააკეთეთ. სწრაფი პასუხისთვის ნებისმიერ დროს შეგიძლიათ ციფრულ გზამკვლევს მიმართოთ, სადაც ყველაფერია აღწერილი, check-in-ის ინსტრუქციიდან ბინის აღჭურვილობის გამოყენებამდე.

• ბინაში მოწევა მკაცრად აკრძალულია. წესის დარღვევის შემთხვევაში დაგეკისრებათ ჯარიმა.

• გასვლამდე გთხოვთ, გადაყაროთ ნაგავი, რაც სივრცის სისუფთავის შენარჩუნებაში დაგვეხმარება.

• გთავაზობთ ჰიგიენური საშუალებების საწყის ნაკრებს. დამატებით საჭირო ნივთებს ახლომდებარე მაღაზიებში იპოვით.

• თუ დარჩენისას რამე დაზიანდება, გთხოვთ, დაუყოვნებლივ შეგვატყობინოთ. სიტუაციიდან გამომდინარე, შესაძლოა დაგეკისროთ საფასური.

• თუ რაიმე პრობლემა შეგექმნათ ან დახმარება გჭირდებათ, დაგვიკავშირდით. ვაფასებთ თქვენს უკუკავშირს, ასევე თბილ კომუნიკაციასა და კეთილ შეფასებებს.

• მიუხედავად იმისა, რომ ყოველთვის ვცდილობთ, სტუმრებს წინასწარ შევატყობინოთ, თბილისში დროდადრო ხდება კომუნალური მომსახურების (წყლის, ელექტროენერგიის ან გაზის) შეწყვეტა. სამწუხაროდ, ეს ჩვენზე არ არის დამოკიდებული. გთხოვთ, ეს თქვენს შეფასებაში არ ასახოთ, რადგან ეს ქალაქისთვის ჩვეულებრივი მოვლენაა და მხოლოდ ჩვენს ბინას არ ეხება.

მადლობას გიხდით თანამშრომლობისთვის!

• გთხოვთ დაიცვათ check-out-ის დრო: თვითნებურად დაგვიანებულმა check-out-მა შესაძლოა გამოიწვიოს დამატებითი ღამის გადასახადის დაკისრება.

• 28 ღამით ან მეტი ხნით დარჩენის შემთხვევაში, ბინის მდგომარეობის შესანარჩუნებლად აუცილებელია დამატებითი დასუფთავება (დამატებითი საფასურით).

• გთხოვთ ნაგავი გადაყაროთ ქუჩაში განთავსებულ ნაცრისფერ ან მუქ ლურჯ ურნებში.

• არ დატოვოთ მოშვებული ონკანი უყურადღებოდ.

• დამატებითი პირსახოცები და საწყისი ნაკრები ხელმისაწვდომია დამატებითი საფასურით.

• გასაღების ან წვდომის ბარათის დაკარგვის შემთხვევაში დაგეკისრებათ ჩანაცვლების საფასური.

• სტუმრები პასუხისმგებელნი არიან ნებისმიერ დაზიანებაზე, რომელიც მოხდება მათი სტუმრობის პერიოდში.

• დაკარგული ნივთები, დალაქავებული თეთრეული ან გაფუჭებული აღჭურვილობა შეიძლება გახდეს დამატებითი გადასახადის მიზეზი.

• დაიცავით სიჩუმე, განსაკუთრებით 22:00 საათის შემდეგ, რათა პატივი სცეთ ჩვენს მეზობლებს.

• ბინიდან გასვლისას გამორთეთ განათება, გათბობა/კონდიცირება და ელექტრომოწყობილობები.

• ნებისმიერი სახის გადაღება, მათ შორის ფოტო და ვიდეო გადაღება, დაუშვებელია წინასწარი თანხმობის გარეშე. თუ გაქვთ რაიმე შეკითხვა ამ პოლიტიკასთან დაკავშირებით ან გსურთ ქონების გამოყენება მარკეტინგული მიზნებისთვის, გთხოვთ დაგვიკავშირდეთ წინასწარ.